“Yangi tug‘ilgan chaqaloqlarning eshitish qobiliyatining universal skriningini joriy etish” loyihasi doirasida Respublika ixtisoslashtirilgan pediatriya ilmiy-amaliy tibbiyot markazi Qashqadaryo va Toshkent viloyatlarida eshitish nuqsonlarini aniqlashning zamonaviy usullari bo‘yicha treninglar o‘tkazdi. Shunga o‘xshash o‘quv-amaliy tadbirlar O‘zbekistonning barcha hududlarida bo‘lib o‘tadi.
Treningda skriningni o‘tkazishning turli jihatlari, jumladan, uskunalar bilan ishlash xususiyatlari va muolajani amalga oshirish qoidalari ko‘rib chiqildi. Tug‘ruq majmualarining tibbiyot xodimlari uchun tashkil etiladigan muntazam treninglar ish sifatini yaxshilashga va kasbiy tayyorgarlik darajasini oshirishga yordam beradi.
